PREMYE JANVYE 2014

 

 

Nan yon fason ke peson pata jan’m vle kwè l

Fok fet sa-a ta pi fò menm pase tonton Nwèl

Premye Janvye sa-a, ta dwe telman bèl

Menm moun tout lòt kote ta dwe vini wè l

210 lane Endepandans nou, fòk nou fè l



Dat Istorik sa-a,Premye janvye de mil katòz

Ayisyen tout kote, pa dwe jwenn yon kòz

Ni yon rezon,pouki fè ke nou pa ka la.

Nou ta dwe depi kounye -a propaje nouvèl la

Nou ta renmen reyalize, lakay, pi gwo festival

Nan Gonayiv, kòm yon pi gwo zèv sosyal

Pou leve yon fon menm pou yon lopital



Nou mande atis Aysyen tout kote

Kèlkeswa mizik ke yo chante

Pou yo ede’n oganize ak planifye

Gwo jounen sa-a ki make tout bon vre

De san dis lane mechanste

Ayiti peyi n te pase

Pou Selman libete ke nou te mande.





Nou dwe nan Gonayiv pou premye fwa

Ini entelijans ak kompetans

Chak grenn ayisyen ki gen bon sans

Pou nou di yo ke nou pa nan rans

Nap fete 210 lane Endepandans



Premye Janvye de mil katòz,

Ayisyen kèlkeswa kote nou ye

Dwe selebre jounen sa-a ki make libète

Nou pa dwe al travay pyès kote

Nan jounen dat sa-a ke nou tout dwe fete

Endepandans pa nou kite toujou bòykote



Premye janvye de mil katòz

Nan vil Gonayiv se tèt chaje

Ti moun kon gran moun tout kote

Yon Balèn pou limyè

Yon mayo blan pou la pè

Se pou nou vini rakonte

Listwa yon lòt fwa, jan n te pase



Anba pye Papa Dessalin

Devan legliz katedral ki pi "clean"

Nou pral ansam la priyè

Pou mande Bondye limyè

Nan mitan tout chimen

Nap trase kòm premye pèp revòlte



Premye Janvye de mil katòz

Nan vil Gonayiv, se pou n trase

Yon lòt egzanp pou limanite

Pou tout moun ka aprann respekte

Tout prensip Bondye mete

Libete egalite fratènite

Ki se banyè diyite ak fyète

Premye pep nwa soulaje.



Premye janvye de mil katòz

Nan Gonayiv, fok nou asiste

Pi gwo la priyè ak men leve

Pou nou ka ede Ayiti Avanse



Dat premye janvye sa-a, fòk nou pa blye l

Nan Gonayiv, fòk nou selebre l

Ayisyen tout kote, nou dwe sonje l

Depi jodi ya menm, nou dwe planifye l

 

Francois Joachim Dessalines

Janvier 2012

CORRECTION FAITE PAR Mr Jonas Laurince  01-20-2012

Francois Joachim (Dessalines)

Directeur (www.gonayv.com)

Produceur(Cyclone Jeanne 2004- Gonaives etat d’urgence 2006, Gonaives the doom’s city 2007- Gonaives en Peril 2008 -Le cote social de la ville des Gonaives2010- Gonaives la ville d’espoir 2011

Fondateur de (SHARE) Societe Haitienne Artistique Rehabilitation Enfantine.

PHILOSOPHIE DE SHARE

 

LES PHASES DE PREPARATION

PROGRAME D' EDUCATION SOCIALE

PLANIFICATION DE SHARE

membres

officiels de SHARE

 

PEOPLE	Organizations	Photos	PLACES
NEWS	TEXTS	SPONSORS	RELIGION